کائنات کی عمرکی پیمائش ـــــــــــــــــــــــــــ کائنات کی عمر قریب قریب چودہ ارب سال ہے ۔ اسے زیادہ درستی سے جب کہا جاتا ہے تب تیرہ اعشاریہ سات(اکثر آٹھ بھی کہہ دیتےہیں)ارب سال ہے۔ ہم آسانی کے لیے اسے چودہ ارب سال ہی کہہ لیتے ہیں۔ کائنات کی عمر کو ماپنے کے لیے کچھ طریقے ہیں مگر ہم دوبارہ اپنی آسانی کے لیے سب سے آسان طریقہ اپنائیں گے ۔ یہ طریقہ بنیادی طور پر ہبل لیمترا قانون سے نکالاجاتا ہے ۔ اور ہبل لیمتیرا قانون کو ریاضی میں ایسے ظاہر کیا جاتا ہے ۔ v = H₀ × d یہاں پر "v"جو ہے یہ کہکشاؤں کی ایک دوسرے سے دور جانے کی ولاسٹی ہے۔ یہ بنیادی طور پر انکی اپنی خاصیت نہیں ہے ۔ اصل میں کائنات کے پھیلاؤ کی وجہ سے ایسا ہوتا ہے کہ کہکشاؤں کے درمیان فاصلہ بڑھ جاتا ہے ۔ اور ہبل لیمترا قانون کے مطابق جو شے جتنی دور ہوگی وہ اتنی ہی تیزی سے دور جا رہی ہوگی ۔ایچ ناٹ (H₀ ) سے مراد ہبل کانسٹنٹ ہے ۔ اسے کانسٹنٹ صرف اس لیے بولا جاتا ہے تاکہ ہم حال کی ویلیو جو بھی نکالتے ہیں اور استعمال کرتے ہیں جو کہ اب تقریبا ستر کلومیٹر فی سیکنڈ فی میگا پارسیک ہے ۔ مگر یہ وقت کے ساتھ بدلتا ہے ۔ اسی لیے اسے ہبل پیرا میٹر بھی کہا جاتا ہے ۔ اور جب اسے پیرا میٹر کے معنی میں استعمال کیا جاتا ہے تب اس کے ساتھ ناٹ (H₀ ) استعمال نہیں کی جاتی صرف H لکھا جاتا ہے یا پھریہ (1/a da/dt) خیر بہت ہوئیں ادھر ادھر کی باتیں ۔ اب کائنات کی عمر ماپتے ہیں۔ فرض کریں دوکہکشاؤں کا فاصلہ تیس میگاپارسیک ہے ۔ یہ دونوں کہکشائیں ایک دوسرے سے دور جا رہی ہیں ۔ مگر کوئی ایسا وقت ضرور گزرا ہوگا جب یہ پاس ہوں گی ۔ لہذا ہم ہبل لیمترا قانون سے ان کی دور جانے کی ولاسٹی نکال کر پھر ہبل ٹائم سے کائناتی عمر نکال لیں ۔ دور جانے کی ولاسٹی کے لیے :۔ v = 70km/s/Mpc × 30Mpc v = 2100 ہبل ٹائم بنیادی طور پر یہ ہے ۔ 1/H₀ ہم جانتے ہیں ۔ کہ Time = Distance / velocity اور یہ بھی جانتے ہیں کہ یہ اس کے برابر ہے ۔ Time = Distance / H₀ × distance کیوں کہ v = H₀× d لہذا ہم کائنات کی عمر یوں نکالیں گے ۔ Time = Distance / velocity اب یہاں ہم کو بس ان دو کہکشاؤں کے درمیان جو فاصلہ تھا وہ درج کرنا ہے اور ان کی ایک دوسرے سے دور جانے کی ولاسٹی ایسے کر کے :۔ Time = 30Mpc/2100km/s = 4.4×10^17 s اس جواب کو سال میں جتنے سیکنڈ ہوتے ہیں ان سے تقسیم کرنے پر ۔ 1.4×10^10 years = 14 billion yrs تو یہ تھا ایک آسان طریقہ جو ہم نے استعمال کر کے کچھ ایرر کے ساتھ کائنات کی عمر چودہ ارب سال پیمائش کی ۔ ـــــــــــــــــــــــــــ ختم شد ضیار قیرمان ۔